«Քառօրյան բավականին հագեցած և հետաքրքիր էր: Բավականին լարված քննարկում տեղի ունեցավ ժամանակավոր հանձնաժողով ձևավորելու մասին հայտնի նախագիծը»,- այսօր ԱԺ-ում ճեպազրույցների ժամանակ ասաց «Ժառանգություն» խմբակցության ղեկավար Ռուբեն Հակոբյանը:
Պրն. Հակոբյանի խոսքով`բոլորն էլ հասկանում են, որ ցանկալի է ստեղծել քաղաքակիրթ ավտոկայանատեղիներ:
«Հիմնական մեխն այն էր, թե ինչ սկզբունքներով ենք փորձելու իրականացնել դա: Որևէ մեկն այդպես էլ չկարողացավ փաստարկել, թե ինչի համար մասնավորը պետք է մաս կազմի այս գործարքին և 70 տոկոս շահույթ ստանա»,- ասաց «Ժառանգություն» խմբակցության ղեկավարը:
Քաղաքական գործիչն անդրադարձավ նաև զինապարտության մասին օրենքում փոփոխություններ կատարելուն և տարկետման իրավունքի վերացմանը:
«Եթե ծանոթ եք՝ ովքեր են տարկետում վերցնում, կարող եք ասել, որ դրանից տուժում է գիտությունը, տուժում է նաև բանակը:
Կրթության նախարարն արդեն հայտարարել է, որ կաջակցի սրան: Մնում է, որ քաղաքական ուժերը համաձայնության գան այս հարցի վերաբերյալ, և կարողանանք հասնել մեր նպատակին»,- եզրափակեց Հակոբյանը:
.gif)
