Ռուսաստանում Մեծ Բրիտանիայի դեսպանատան 6 աշխատակիցներ զրկվել են հավատարմագրումից: ՌԴ անվտանգության դաշնային ծառայությունից հայտնել են, որ նման քայլ է ձեռնարկվել դիվանագետների գործողությունների պատճառով, որոնք ցույց են տվել հետախուզական և դիվերսիոն աշխատանքի նշաններ։ Այս մասին հաղորդոմ է «Արգումենտի ի ֆակտի» պարբերականը։
Գերատեսչությունում նշել են, որ իրենք կաշխատեն այն բանի շուրջ, որպեսզի վաղաժամկետ դադարեցվեն բրիտանացի դիվանագետների գործուղումները Ռուսաստան, եթե նրանց գործողությունները ևս ցույց տան հետախուզական և դիվերսիոն աշխատանքի նշաններ։
Իր հերթին «Россия-24» հեռուստաալիքի եթերում ռուսական հատուկ ծառայությունների ներկայացուցիչը, որի անունը չի նշվել, հայտնել է, որ Մոսկվան արտաքսել է վեց բրիտանացի դիվանագետներին, քանի որ Ռուսաստանում բրիտանական լրտեսությունը հանդուրժելն այլևս հնարավոր չէ։
Ռեպորտաժում ներկայացվել են Ռուսաստանի Դաշնությունում հավատարմագրումից զրկված բրիտանական դեսպանատան վեց աշխատակիցները՝ երեք տղամարդ և երեք կին։
«Լոնդոնը մեզ մոտ ուղարկում է հետախույզների՝ որպես դիվանագետ ամուսինների, իսկ փոքր երեխաներն օգտագործվում են լրտեսական գործունեությունը քողարկելու համար։ Դիվանագիտական վարվելակարգի մասին ընդհանրապես խոսք լինել չի կարող, – ընդգծել է հատուկ ծառայությունների ներկայացուցիչը։ – Այո, դասական բրիտանական լրտեսություն։ Դրան հետևելը զվարճալի է, բայց այլևս հնարավոր չէ»։
Ռեպորտաժում ներկայացված են նաև ՌԴ-ում օտարերկրյա գործակալ ճանաչված «Նովայա գազետա» պարբերականի խմբագրի հետ դիվանագետներից մեկի հանդիպումից լուսանկարներ և տեսագրություններ։
.gif)
