Դոլոմիտյան Ալպերի սառցադաշտերին սպառնում է «մահվան դատավճիռ»

Մարմոլադան՝ հյուսիսային Իտալիայի Դոլոմիտների ամենամեծ և ամենահայտնի սառցադաշտը, գտնվում է «անդառնալի կոմայի մեջ» և կարող է անհետանալ մինչև 2040 թվականը, հայտարարել են իտալացի գիտնականները` համատեղ ուսումնասիրությունից հետո: Այս մասին հոդված է հրապարակել «Հիդրոօդերևութաբանության և մոնիթորինգի կենտրոն» ՊՈԱԿ-ը։

Legambiente բնապահպանական ասոցիացիայի, Ալպերի պաշտպանության միջազգային հանձնաժողովի և Իտալիայի սառցադաշտաբանության կոմիտեի կողմից իրականացված «Караван ледников» ուսումնասիրության մեջ ասվում է, որ վերջին հինգ տարիների ընթացքում սառցադաշտը կորցրել է 70 հեկտար տարածք, որը համապատասխանում է ֆուտբոլային 98 խաղադաշտի։ Այս տեմպերով Մարմոլադա սառցադաշտը կդադարի գոյություն ունենալ մինչև 2040 թվականը:

Գիտնականները հիշեցրել են, որ 136 տարի առաջ Մարմոլադան տարածվել է մոտ 500 հեկտարի վրա: Այդ ժամանակից ի վեր սառցադաշտի տարածքը կրճատվել է ավելի քան 80%-ով, իսկ ծավալը՝ ավելի քան 94%-ով։ 2024 թվականին սառույցի առավելագույն հաստությունը կազմում է 34 մետր։

Նմանատիպ «մահվան դատավճիռ» է սահմանվել Ալպերի ևս երկու ամենամեծ սառցադաշտերի համար՝ Լոմբարդիայի շրջանի սահմանին գտնվող Ադամելլոյի և նույն Լոմբարդիայի Տրենտո և Ֆորնի նահանգների համար:

Սառցադաշտի մակերևույթի վիճակի հետազոտությունները ցույց են տալիս, որ Մարմոլադա և Ֆորնի սառցադաշտերի հալոցքի արագությունը կարող է հասնել մինչև 7 և 10 սանտիմետր մեկ օրում: Սեպտեմբերի սկզբին MeteoTriveneto ասոցիացիայի գիտնականները հայտնեցին, որ սառցադաշտի վրա ջերմաստիճանը զրոյից չի իջել արդեն երկու ամիս: