«Ռեալն» ուժեղ խաղացողներ ունի, բայց մենք էլ Մխիթարյան ունենք․Կլոպ

Դորտմունդի «Բորուսիայի» գլխավոր մարզիչ Յուրգեն Կլոպը հուսով է, որ իր թիմը հաջող կգործի այսօր կայանալիք Մադրիդի «Ռեալի» հետ Չեմպիոնների լիգայի քառորդ եզրափակիչ առաջին հանդիպման ժամանակ. տեղեկացնում է իսպանական մամուլը։

«Մենք երբեք չենք դժգոհում: Իհարկե, «Ռեալի» կազմում խաղում են շատ ուժեղ ֆուտբոլիստներ: Բայց մենք էլ, մեր հերթին, ձեռք ենք բերել Մխիթարյանին և ուրիշ խաղացողների: Մխիթարյանը, Օբամեյանգը և Պապաստատոպուլոսը հրաշալի մերվեցին «Բորուսիայի» խաղին: Նրանք, միանշանակ, ուժեղացրել են մեր թիմի կազմը:

«Ռեալի» հետ կայանալիք խաղի ժամանակ կանենք ամեն ինչ մեր ուժերի սահմաններում», – հայտարարել է «Բորուսիայի» գլխավոր մարզիչը:

Հիշեցնենք, որ թիմերի միջև առաջին հանդիպումը կկայանա այսօր, Երևանի ժամանակով 22:45-ին։