Թուրքիայի նախագահ Ռեջեփ Թայիփ Էրդողանը հայտարարել է, որ Մերձավոր Արևելքում խաղաղությունն անհնար է, քանի դեռ Իսրայելը շարունակում է իր ցեղասպանությունը Գազայի հատվածում։ Գերմանիայի կանցլեր Օլաֆ Շոլցի հետ բանակցություններից հետո Ստամբուլում կայացած մամուլի ասուլիսում նա հանդես է եկել հակամարտությունն արագ լուծելու համար Իսրայելի վրա ճնշումների մեծացման օգտին:
«Իսրայելի կողմից Գազայում և պաղեստինյան տարածքներում իրականացված ցեղասպանությունը և Լիբանանում ահաբեկչությունները մեր քննարկման կարևոր թեման էին: Մարդկային ողբերգությունը տարածաշրջանում շարունակվում է: Մենք պետք է անենք հնարավոր ամեն ինչ՝ մշտական հրադադար ապահովելու և անհրաժեշտ ճնշում գործադրելու համար»,- ասել է Էրդողանը։
Նա նաև ասել է, որ Իսրայելը հակամարտությունը տարածելու ծրագրեր է մշակում։
«Ակնհայտ է, որ Իսրայելի վարչապետ Բենիամին Նեթանյահուի միտքը պատերազմը տարածելու մասին է»,- ասել է Էրդողանը։
.gif)
