Բելգիացի Շառլ Միշելը ուրբաթ օրը Եվրոպական խորհրդի նախագահի լիազորությունները փոխանցել է Պորտուգալիայի նախկին վարչապետ Անտոնիո Կոստային:
«Եվրախորհրդում նախագահելը, անկասկած, եղել է իմ կյանքի հպարտությունը», – ասել է Միշելը իր հրաժեշտի խոսքում, խորհրդի աշխատակազմի անդամների և լրագրողների ներկայությամբ։ Արարողությանը մասնակցել է Եվրահանձնաժողովի նախագահ Ուրսուլա ֆոն դեր Լայենը։
Թվարկելով ԵՄ-ի արժանիքները՝ Միշելը նշել է Ուկրաինային աջակցությունը, այդ թվում՝ նրան ռազմական օգնություն տրամադրելը։ Նա ասել է, որ Եվրոպական խորհուրդը «բնական և կենսական դեր» ունի մրցունակության ամրապնդման, նորարարության խթանման, պաշտպանական և անվտանգության կարողությունների ամրապնդման և միջազգային համագործակցության գործում:
.gif)
