ԱՄՆ նախագահ Դոնալդ Թրամփի վարչակազմի հետ շփումները որոշակի հույս են ներշնչում, ասել է ՌԴ նախագահ Վլադիմիր Պուտինը Անվտանգության դաշնային ծառայության կոլեգիայի ընդլայնված նիստում։
«Մենք բոլորս տեսնում ենք, թե ինչ արագությամբ են փոխվում աշխարհը և իրավիճակը աշխարհում, այս առումով, ես կցանկանայի նշել, որ առաջին շփումները ամերիկյան նոր վարչակազմի հետ որոշակի հույս են ներշնչում»,- ասել է ՌԴնախագահը։
Պուտինը նշել է, որ Արևմուտքում ոչ բոլորն են ուրախ Մոսկվայի և Վաշինգտոնի միջև երկխոսության վերսկսմամբ։
«Արևմտյան էլիտաներից ոմանք դեռ վճռական են՝ պահպանելու անկայունությունը աշխարհում, և այդ ուժերը կփորձեն խաթարել սկսված երկխոսությունը», – ընդգծել է Պուտինը:
Սակայն նա կարևորել է, որ «այսօրվա ամերիկյան գործընկերները դրսևորում են պրագմատիզմ, իրատեսական հայացք ունեն, հրաժարվել են բազմաթիվ կարծրատիպերից, որոնք հանգեցրել են միջազգային հարաբերություններում ճգնաժամերի»:
.gif)
