Հոնկոնգի պատկերասրահից կորել է չինացի նկարիչ Ցույ Ժուչժոուի «Ձյունապատ սարը» նկարը, որը գնահատվում է 3,7 մլն դոլար:
Ըստ որոշ տվյալների, կտավը կարող էր սխալմամբ աղբարկղում հայտնվել, ուր այն իբր գցել են հավաքարարները:
Հոնկոնգի լրատվամիջոցները պնդում են, որ գոյություն ունի հսկող տեսախցիկների տեսագրությունը, որտեղ պարզորոշ երևում է, թե ինչպես հավաքարարները նկարը դուրս են բերում «Գրանդ Հայաթ» հյուրանոցից, որտեղ այն հանվել էր աճուրդի:
Տեղացի արվեստասերները մտավախություն են հայտնել, որ նկարն արդեն քաղաքային աղբանոցում է: Հյուրանոցի ղեկավարությունը հերքում է նկարի կորուստին իր անձնակազմի առնչության փաստը, տեղեկացնում է BBC-ն:
.gif)
