Մյանմայում տեղի ունեցած ավերիչ երկրաշարժի հետևանքով մինչ այժմ գրանցվել է 144 զոհ և 732 վիրավոր։ Այս մասին հայտնել է Մյանմայի պետական հեռուստատեսությանը:
Նշվում է, որ իշխանությունները արտակարգ դրություն են հայտարարել առավել տուժած 6 շրջաններում։
Ավելի վաղ տեղեկություններ էին հաղորդվել, որ Մյանմայում մարտի 28-ին տեղի են ունեցել երկու իրար հաջորդող երկրաշարժեր, որոնցից մեկը՝ 7,7, իսկ մյուսը՝ 6,4 մագնիտուդով: Ցնցումները զգացվել են նաև Չինաստանում, Կամբոջայում, Բանգլադեշում և Հնդկաստանում։
Գլոբալ սեյսմիկ ռիսկի քարտեզի վրա Մյանման գտնվում է կարմիր գոտում՝ երկրաշարժերի միջինից բարձր ռիսկով:
.gif)
