ՀՀ Արարատի մարզի Դարակերտ համայնքում քիչ չեն ջերմոցային տնտեսությունները: Գյուղապետ Ղուկաս Սիմոնյանի պնդմամբ՝ բնակչության շուրջ 30 տոկոսը բանջարաբոստանային կուլտուրաների մշակությամբ է զբաղվում: Այս շրջանում գյուղացիները մեծ վարկերի մարման գործով են զբաղվում. առաջին բերքից ստացված եկամուտը նրանք գերազանցապես վճարում են բանկերին: Նախորդ ամիսներին ամեն մի ջերմոցատեր մի քանի հազար դոլարի գազ է սպառել: Հիմա արդեն պարտքերը մարելու ժամանակն է: Ջերմոցատերեին անհանգստացնում է ոչ միայն գազի բարձր սակագինը, այլև էժան ու անորակ թուրքական բանջարեղենի ներխուժումը հայկական շուկա, ինչն էլ շատ հաճախ կտրուկ գնանկման պատճառ է դառնում:
Սյունէ Համբարձումյան
.gif)
