ArmLur.am-ը օրեր առաջ ՀՀ Սյունիքի մարզի Շուռնուխ համայնքում էր, որտեղ հասցրեց մի քանի բնակչի հետ խոսել: Իսկ Շուռնուխի գյուղապետ Հակոբ Արշակյանը ArmLur.am-ի հետ զրույցում անկեղծացավ՝ նշելով, որ բնակիչների մոտ անորոշ վիճակ է:
Շուռնուխցիները ArmLur.am-ի հետ զրույցում բողոքեցին իրենց առաջարկված այլընտրանքային ճանապարհի վատ վիճակից: Այն անցանելի չէ մարդատար ցածր մեքենայի համար: Գյուղապետի խոսքով՝ այժմ ճանապարհն անցանալի միայն բարձր մեքենաների համար: Բացի այս, Շուռնուխում դասապրոցեսն ապահովելու համար ուսուցիչները ստիպված են «Ուրալ» մեքենայով օրական երկու անգամ գնալ-գալ, ինչը լրացուցիչ դժվարություններ է ստեղծում։
Շուռնուխցի գյուղապետը ArmLur.am-ի հետ զրույցում նկատեց, որ այս ընթացքում բավականին մեծ թվով անասուն է անհետացել, դրանք անցել են Ադրբեջանի վերահսկողության տակ գտնվող տարածք:
Ի դեպ, Շուռնուխում հիմա նոր թաղամաս է կառուցվում, որտեղ տներ կստանան այն մարդիկ, որոնց տները մնացել են Ադրբեջանի վերահսկողության տակ:
Ս.Հ., Հ.Հ.
.gif)
