Մերձավոր Արևելքի հարցերով ԱՄՆ հատուկ ներկայացուցիչ Թոմ Բարաքը Լիբանանի ղեկավարության հետ կքննարկի Իսրայելի հետ հակամարտության կարգավորման «ճանապարհային քարտեզը», որը ներառում է շիական «Հեզբոլլահ» շարժման զինաթափումը։
Ինչպես հաղորդել է «Աշարք ալ-Աուսաթ» թերթը, ամերիկացի դեսպանը, որն արդեն ժամանել է Բեյրութ, օգոստոսի 18-ին բանակցություններ կվարի Հանրապետության նախագահ Ջոզեֆ Աունի, խորհրդարանի խոսնակ Նաբիհ Բըրրիի և վարչապետ Նավաֆ Սալամի հետ։
Հրատարակության տվյալներով՝ հանրապետության կառավարությունը, որը օգոստոսի 5-ին հաստատել է «Հեզբոլլահ»-ի զենքը մինչև 2025 թվականի վերջը Լիբանանի բանակին փոխանցելու ծրագիրը, ակնկալում է, որ դեսպանը, փոխարենը, զիջումներ կստանա Իսրայելից, որը կսկսի իր ուժերի փուլային դուրսբերումը Լիբանանի հարավում գտնվող հինգ օկուպացված տարածքներից։
.gif)
