Ամերիկացի ռեփեր Սնուփ Դոգը կմիանա NBCUniversal-ին և Peacock հոսքային հարթակին՝ լուսաբանելու 2026 թվականի ձմեռային Օլիմպիական խաղերը, հաղորդում է NBC Sports-ը:
«Ես ուրախ եմ վերադառնալու իմ ընկերոջ՝ NBC-ի հաղորդավար Մայք Տիրիկոյի մոտ Միլանում և Կորտինայում կայանալիք 2026 թվականի ձմեռային Օլիմպիական խաղերին։
Ես կբերեմ իմ բաճկոնները, դահուկասահքի տաբատները, ակնոցներն ու չմուշկները, և վստահ եմ, որ կփայլեմ»,- ասել է հանրահայտ ռեփերը:
Օլիմպիական խաղերը կանցկացվեն 2026 թվականի փետրվարի 6-22-ն Իտալիայի Միլան և Կորտինա դ’Ամպեցո քաղաքներում:
Հիշեցնենք, որ Սնուփ Դոգը NBCUniversal-ի համար լուսաբանել էր նաև Փարիզի 2024 թվականի ամառային Օլիմպիական խաղերը:
.gif)
