ԱՄՆ-ը Գազայի հատվածում կնքված խաղաղության համաձայնագրերի երաշխավոր պետություններին տեղեկացրել է պաղեստինյան արմատական ՀԱՄԱՍ շարժման կողմից հրադադարի խախտման հնարավորության մասին, ասվում է Պետդեպարտամենտի մամուլի ծառայության տարածած հայտարարության մեջ։
Հետևաբար, ԱՄՆ-ը ունի «հավաստի տեղեկություններ, որոնք վկայում են ՀԱՄԱՍ-ի կողմից հրադադարի անխուսափելի խախտման մասին»։
ԱՄՆ դիրքորոշման համաձայն՝ «պաղեստինյան բնակչության դեմ նախատեսված հարձակումը կլիներ հրադադարի համաձայնագրերի ուղղակի և լուրջ խախտում և կխաթարեր ձեռք բերված զգալի առաջընթացը։
«Երաշխավոր երկրները պահանջում են, որ ՀԱՄԱՍ-ը հետևի հրադադարի պայմաններով ստանձնած իր պարտավորություններին։ Եթե ՀԱՄԱՍ-ը իրականացնի այս հարձակումը, միջոցներ կձեռնարկվեն Գազայի ժողովրդին պաշտպանելու և հրադադարի ամբողջականությունը պահպանելու համար», – նշել է ԱՄՆ Պետդեպարտամենտը։
Ինչպես նշված է, երաշխավոր պետությունները «պարտավոր են ապահովել քաղաքացիական բնակչության անվտանգությունը, պահպանել խաղաղությունը և խթանել խաղաղությունն ու բարգավաճումը Գազայի և ամբողջ տարածաշրջանի մարդկանց համար»:
.gif)
