Տիգրան Պետրոսյանի անվան շախմատի տուն-մարզադպրոցում ավարտվել են շախմատի Հայաստանի տղամարդկանց 86-րդ և կանանց 81-րդ առաջնությունները:
Տղամարդկանց պայքարում չեմպիոնի կոչումը կարիերայում երկրորդ անգամ նվաճել է գրոսմայստեր Մանուէլ Պետրոսյանը: Նա 9 հնարավորից վաստակել է 6 միավոր:
Արթուր Դավթյանը, Զավեն Անդրիասյանը և Արամ Հակոբյանը վաստակել են 5.5 միավոր: Լրացուցիչ ցուցանիշներով արծաթե մեդալակիր է դարձել միջազգային վարպետ Արթուր Դավթյանը: Լավագույն եռյակը եզրափակել է գրոսմայստեր Զավեն Անդրիասյանը:
Կանանց առաջնության հաղթողի կոչմանն արժանացել է Անահիտ Մկրտչյանը՝ 9 հնարավորից վաստակելով 6.5 միավոր:
Արծաթե մեդալակիր է դարձել կանանց ՖԻԴԵ-ի վարպետ Աստղիկ Հակոբյանը՝ 6 միավորով: Սոնա Կրկյաշարյանը, Անի Ավետիսյանը և Աննա Խաչատրյանը վաստակել են 5.5 միավոր: Լրացուցիչ ցուցանիշներով լավագույն եռյակը եզրափակել է Սոնա Կրկյաշարյանը:
Մանուէլ Պետրոսյանը և Անահիտ Մկրտչյանը Հայաստանի հավաքականում հանդես գալու իրավունք են ստացել։
.gif)
