Այսօր մեկնարկելիք ԱԺ լիագումար նիստում կհրապարակվի «Սինջար եզդիների ազգային միավորում» և «Եզդիների ազգային կոմիտե» հասարակական կազմակերպությունների` ընդդեմ Ազգային ժողովի հանրապետական պատգամավոր Մանվել Բադեյանի դիմումի քննության կարճման մասին Ազգային ժողովի Էթիկայի հանձնաժողովի որոշումը:
Armlur.am-ի հետ զրույցում «Սինջար եզդիների ազգային միավորում» հ/կ-ի անդամ Բորիս Թամոյանը հայտնեց, որ իրենց համար կարևոր է նաև առանձին խմբակցությունների տեսակետը, քանի որ ընդհանուր Էթիկայի հանձնաժողովի տեսակետն իրենց համար արդեն հասկանալի է:
«Նամակով դիմել ենք բոլոր խմբակցություններին` իմանալու համար կատարվածի վերաբերյալ իրենց տեսակետը:
Բադեյանի ասածի շուրջ մենք համապատասխան գնահատական տվել ենք հենց նույն օրը, հետո դիմել ենք էթիկայի հանձնաժողով: Իսկ հետագայում, երբ կասեն, թե իրենք չեն խախտում ազգային փոքրամասնությունների իրավունքները, մենք էլ ապացույցներով ցույց կտանք, որ խախտում են»,- նշեց Թամոյանը:
Տաթև Հարությունյան
.gif)
