Իսրայելի ռազմաօդային ուժերի ինքնաթիռները առավոտյան հարձակվել են Լիբանանի հարավային և արևելյան շրջաններում շիական «Հըզբոլլահ» աշխարհազորի հենակետերի վրա, որի հետևանքով զոհվել է առնվազն 11 մարդ։ Այս մասին հայտնել TASS-ը՝ հղում անելով արտակարգ իրավիճակների շտաբի հաղորդագրությանը:
«Թշնամու ինքնաթիռները հարվածել են Թեյր Դիբա և Թեյր Ֆալսայ գյուղերին, որտեղ, ըստ հաղորդագրության, զոհվել է հինգ մարդ, այդ թվում՝ երկու երեխա», – նշվում է հաղորդագրության մեջ։ «Եվս 14 վիրավոր տեղափոխվել է հիվանդանոց»։
Ջվայա շրջանում Իսրայելի կողմից հասցված ավիահարվածի հետևանքով զոհվել է երեք մարդ, իսկ Մաարակում զոհվել է ևս մեկ լիբանանցի, իսկ ութը՝ վիրավորվել։
Լիբանանի արևելյան շրջաններում ավիահարված է հասցվել Բաալբեկ մայրուղու վրա գտնվող Դուրիս արվարձանին, որի հետևանքով զոհվել է երկու մարդ, այդ թվում՝ մեկ երեխա, և վիրավորվել երկուսը։
Ավելի վաղ Իսրայելի պաշտպանության բանակի խոսնակ Ավիխայ Էդրին պահանջել է, որ Նաբաթիե նահանգի Հարուֆ քաղաքի և Տիրի մոտ գտնվող Բուրջ ալ-Շիմալի և Դաբաալ գյուղերի բնակիչները անհապաղ լքեն իրենց տները՝ սպասվող ավիահարվածներից առաջ։ X-ում արաբերենով հրապարակված հայտարարության մեջ խոսնակը զգուշացրել է, որ իսրայելական ուժերը մտադիր են վճռականորեն արձագանքել «Հեզբոլլահ»-ի կողմից հրադադարի խախտումներին։
.gif)
