Ըստ «Ժողովուրդ»-ի տեղեկությունների՝ Երեւանի թիվ 29 ավագ դպրոցի տնօրեն Ռուզաննա Սարուխանյանն ապօրինի դրամահավաք է կազմակերպել դպրոցում, ինչի համար էլ առաջիկայում Կրթության եւ գիտության նախարարության կողմից ստանալու է նկատողություն:
Սակայն տնօրեն Սարուխանյանը, լսելով «Ժողովուրդ» օրաթերթի հարցը, թե ինչու է դրամահավաք կազմակերպել դպրոցում, ինչի համար շուտով կպատժվի, դպրոցի տնօրենը ծիծաղեց, ապա ավելացրեց. «Հեռախոսով ես չեմ կարող ձեր հարցերին պատասխանել: Եթե հետաքրքրող հարցեր ունեք, ապա համեցեք դպրոց: Մենք հիմա շատ զբաղված ենք»:
Մնում է սպասել նախարարի արձագանքին, որից հետո տնօրենը դժվար թե ժպտա:
Տեղեկացնենք, որ Ռուզաննա Սարուխանյանը Չեխովի անվան դպրոցի տնօրեն, նախկին «Շամիրամ» կուսակցության նախագահ Գայանե Սարուխանյանի քույրն է:
Իսկ Գ. Սարուխանյանը, ինչպես հայտնի է, մշտապես ընկնում է սկանդալային պատմությունների մեջ: Վերջերս էլ իր աշակերտուհիներից մեկի ծնողին էր աշխատասենյակում քաշքշել, ծեծել:
.gif)
