Իրանի նախագահը և ԱԳ նախարարը ժամանել են Պակիստան. ԶԼՄ-ներ

Իրանի նախագահ Մասուդ Փեզեշքիանը և Արտաքին գործերի նախարար Աբբաս Արաղչին մեկօրյա այցով ժամանել են Իսլամաբադ, հաղորդում է Պակիստանի պետական ​​PTV հեռուստաալիքը։

«Իրանի նախագահ Մասուդ Փեզեշքիանը, արտաքին գործերի նախարար Աբբաս Արաղչիի ուղեկցությամբ, ժամանել է Պակիստան», – ասվում է PTV-ի հայտարարության մեջ:

Իրանի պետական ​​IRNA լրատվական գործակալության հաղորդմամբ՝ այցի ընթացքում Իրանի նախագահը նախատեսում է շնորհակալություն հայտնել Պակիստանի վարչապետին՝ Իրանի և ԱՄՆ-ի միջև միջնորդության համար, ինչպես նաև քննարկել երկկողմ տնտեսական համագործակցության հարցեր։

Հունիսի 19-ին Պակիստանի վարչապետը հայտարարել էր, որ Իրանի նախագահին հրավիրել է այցելելու Պակիստան: Իր հերթին, պակիստանյան պատվիրակությունը նախատեսում է այցելել Իրան հուլիսի 3-4-ը՝ մասնակցելու Իրանի հանգուցյալ գերագույն առաջնորդ այաթոլլահ Ալի Խամենեիի հուղարկավորությանը: