ՌԴ նախագահի մամուլի քարտուղար Դմիտրի Պեսկովը հայտարարել է, որ Ռուսաստանն ու Հայաստանը եղբայրական երկրներ են, և երկու պետությունների միջև առկա ինտեգրացիոն գործընթացը նպաստում է Հայաստանի տնտեսական զարգացմանը։
Ինչպես փոխանցում է ТАСС-ը, Պեսկովը նշել է, որ Ռուսաստանն ու Հայաստանը դարերով հարևան և սերտ կապերով կապված երկրներ են։
«Մենք սերտորեն փոխկապակցված ենք այս տեսանկյունից․ մեր երկրում ապրում են բազմաթիվ հայեր, իսկ Հայաստանում՝ ռուսներ։ Մեզ միավորում է շատ լավ ինտեգրացիոն գործընթացը։ Մենք համոզված ենք, որ այդ գործընթացը՝ Եվրասիական տնտեսական միությունը, ամեն տարի զգալի ներդրում է ունենում Հայաստանի ՀՆԱ-ի աճի մեջ», – ասել է Պեսկովը։
Նրա խոսքով՝ ԵԱՏՄ շրջանակում համագործակցությունը շարունակում է մնալ Հայաստանի տնտեսական զարգացման կարևոր գործոններից մեկը։
Թարգմանությունը՝ Անի Վարդանյանի
.gif)
