ԱՄՆ նախագահ Դոնալդ Թրամփը մեղադրել է Իրանին Միացյալ Նահանգների հետ հրադադարի ռեժիմը խախտելու մեջ։
Ամերիկացի առաջնորդը Truth Social-ում գրել է, որ Իրանը «առնվազն չորս կամիկաձե հարձակողական անօդաչու թռչող սարքեր է արձակել Հորմուզի նեղուցով անցնող նավերի վրա»։ Այդ անօդաչու թռչող սարքերից մեկը, ըստ Թրամփի, հարվածել է բեռնատար նավի։ «Իհարկե, սա մեր հրադադարի համաձայնագրի շատ հիմար խախտում է», – հայտարարել է ԱՄՆ նախագահը։
Նա դեռևս որևէ սպառնալիք չի հնչեցրել Իրանի հասցեին։
Իրանի պետական հեռարձակողի տվյալներով՝ երեք օտարերկրյա տանկեր փորձել են անցնել Հորմուզի նեղուցով՝ առանց Թեհրանի թույլտվության։ Նրանց կանգնեցրել է Իրանի ռազմածովային ուժերը և ստիպել փոխել ուղղությունը։ Այս հաղորդագրությունների համաձայն՝ տանկերները փորձել են անցնել նեղուցով՝ օգտագործելով հարավային միջանցքը, բայց նախազգուշացումներ ստանալուց հետո վերադարձել են Պարսից ծոց։
Իրանի ծոցի ափամերձ վարչությունը հինգշաբթի օրը հայտարարել է, որ չի կարող երաշխավորել Թեհրանի կողմից նշանակված երթուղիներից դուրս նավարկող նավերի անվտանգությունը։
.gif)
