«Տանը մենակ 2» ֆիլմում Աղավնիների տիկնոջ կերպարով հայտնի դարձած իռլանդացի դերասանուհի Բրենդա Ֆրիքերը մահացել է 81 տարեկանում։
Նրա մահվան մասին հայտնել է դերասանուհու գործակալը՝ նշելով, որ կինոաշխարհը կորցրել է բացառիկ տաղանդի։ Մահվան պատճառը առայժմ չի հրապարակվել։
Բրենդա Ֆրիքերը համաշխարհային ճանաչում էր ստացել ոչ միայն «Տանը մենակ 2»-ում մարմնավորած կերպարով, այլև «Իմ ձախ ոտքը» ֆիլմում խաղացած դերի համար, որի շնորհիվ դարձել էր «Օսկար» մրցանակի արժանացած առաջին իռլանդացի դերասանուհին։
Նրա դերասանական կարիերան ընդգրկել է ավելի քան վեց տասնամյակ՝ ներառելով կինոյի, հեռուստատեսության և թատրոնի բազմաթիվ հիշարժան դերեր։
Բրենդա Ֆրիքերի ստեղծած կերպարները շարունակում են մնալ կինոսերների հիշողության մեջ՝ որպես ջերմության, խորության և մարդկայնության խորհրդանիշ։
.gif)
