ԱՄՆ Պետդեպարտամենտը աջակցում է Չադի կառավարության՝ Միջազգային քրեական դատարանից (ՄՔԴ) դուրս գալու որոշմանը և այն համարում է երկրի ինքնիշխանության ամրապնդմանն ուղղված քայլ, ասվում է ԱՄՆ Պետդեպարտամենտի հայտարարության մեջ։
«Միացյալ Նահանգները ողջունում է Չադի՝ Միջազգային քրեական դատարանից դուրս գալու որոշումը և միանում է այն երկրների աճող թվին, որոնք վերահաստատում են իրենց ինքնիշխանությունը՝ մերժելով այս թերի կազմակերպությունը», – ասվում է հայտարարության մեջ։
Պետդեպարտամենտը ընդգծել է, որ Միացյալ Նահանգները կշարունակի ՄՔԴ-ի դեմ իր արշավը։ Պետդեպարտամենտը նաև կոչ է արել մնացած պետություններին ևս դուրս գալ կազմակերպությունից։
Երկուշաբթի օրը Չադի արտաքին գործերի նախարարությունը հայտարարեց երկրի՝ ՄՔԴ-ից դուրս գալու մասին։ Արտաքին գործերի նախարարությունը որոշումը հիմնավորել է կազմակերպության կողմնակալությամբ։
Հուլիսի 13-ին Պետդեպարտամենտը հայտարարել է, որ Միացյալ Նահանգները լայնածավալ արշավ է սկսում ՄՔԴ-ի դեմ, որը Վաշինգտոնը համարում է «ամերիկյան ինքնիշխանության սպառնալիք»։
.gif)
