Թուրքիան Ռուսաստանին և Ուկրաինային տեղեկացրել է իր պատրաստակամության մասին՝ հնարավորինս շուտ թուրքական տարածքում բանակցությունների նոր փուլ կազմակերպելու հարցում, ՌԻԱ Նովոստիին հայտնել է թուրքական կառավարության աղբյուրը։
Ռուսաստանի նախագահի մամուլի քարտուղար Դմիտրի Պեսկովը հայտարարել է, որ Ռուսաստանը բաց է իր նպատակներին հասնելու համար քաղաքական և դիվանագիտական բանակցությունների միջոցով, սակայն Կիևի ռեժիմը հակված չէ խաղաղության գործընթացին։
«Անկարան Մոսկվային և Կիևին է փոխանցել իր ուղերձները՝ Թուրքիայում Ուկրաինայի վերաբերյալ բանակցություններ կազմակերպելու պատրաստակամության մասին», – ասել է գործակալության աղբյուրը։
Թուրքիան բազմիցս միջնորդի դեր է ստանձնել Մոսկվայի և Կիևի միջև։ 2022-ին Ստամբուլում տեղի են ունեցել ռուս-ուկրաինական առաջին դեմ առ դեմ բանակցությունները, իսկ ավելի ուշ՝ Անկարայի և ՄԱԿ-ի միջնորդությամբ, ձեռք է բերվել «Սևծովյան հացահատիկի» նախաձեռնությունը։ Վերջին ամիսներին Թուրքիայի ղեկավարությունը բազմիցս հայտարարել է կողմերի միջև ուղիղ բանակցությունների համար հարթակ տրամադրելու իր պատրաստակամության մասին։
.gif)
