Իրանի նախագահ Մասուդ Փեզեշքիանը կոչ է արել իսլամական պետություններին հասնել համաձայնությունների, որոնք կապահովեն նրանց կոլեկտիվ անվտանգությունը և պաշտպանությունը արտաքին սպառնալիքներից:
«Իսլամական ազգը չի հասնի անկախության և արժանապատիվ կյանքի միայն համագործակցության և համախմբման միջոցով: Ճշմարտության, արդարության և փոխադարձ պատասխանատվության վրա հիմնված միասնությունն այն է, ինչ իսլամական երկրներին հիմա ամենաշատն է պետք», – ասել է քաղաքական գործիչը, ինչպես մեջբերել է «Ալ Մայադին» հեռուստաընկերությունը:
Փեզեշքիանը ելույթ է ունեցել Թեհրանում ընթացող Իսլամական միասնության 40-րդ միջազգային համաժողովի բացման ժամանակ, որը, նրա խոսքով, տեղի է ունենում բացառիկ հանգամանքներում։ Իր ելույթում նա ընդգծել է, որ «ոչ մի իսլամական երկիր չպետք է դառնա մեկ այլ երկրի դեմ ագրեսիայի հարթակ»։
«Իրանն իրացրել է իր օրինական իրավունքը՝ պաշտպանվելու ԱՄՆ-ի և Իսրայելի կողմից իր դեմ սանձազերծված պատերազմից, սակայն դա չի նշանակում, որ այն թշնամաբար է տրամադրված իր մուսուլման հարևանների նկատմամբ», – ասել է նա։
.gif)
