Վլադիմիր Պուտինի, Դոնալդ Թրամփի և Վլադիմիր Զելենսկու միջև գագաթնաժողովը հնարավոր է միայն համաձայնագրերի ձևակերպման համար, որոնք շատ բարդ գործընթաց են և ոչ թե «պարզեցված գործարք», հայտարարել է Ռուսաստանի նախագահի մամուլի քարտուղար Դմիտրի Պեսկովը։
«Պուտին-Թրամփ-Զելենսկի գագաթնաժողով առաջարկվել է արդեն տևական ժամանակ, և դուք լավ գիտեք մեր պետության ղեկավարի դիրքորոշումը. նման հանդիպում հնարավոր է միայն համաձայնագրերի ձևակերպման նպատակով։ Եվ համաձայնագրերը պարզ գործարք չեն. դրանք շատ բարդ կարգավորման գործընթաց են, որը բաղկացած է հսկայական թվով մանրամասներից», – ասել է Կրեմլի խոսնակը։
Նա ընդգծել է, որ նախագահների համար անիմաստ է հանդիպել այս ամենը քննարկելու համար. այս մակարդակում նրանք կարող են միայն վերջնականապես համաձայնեցնել համաձայնագրերը։ Միևնույն ժամանակ, Պեսկովը նշել է, որ Կիևը ցանկություն չունի իրական կարգավորման գործընթացի մեջ մտնել։
.gif)
