Սեպտեմբերի 1-ը Հայաստանում նշվում է որպես Գիտելիքի և դպրության օր՝ խորհրդանշելով նոր ուսումնական տարվա սկիզբը։ Այս օրը առանձնահատուկ է աշակերտների, ուսանողների, ուսուցիչների, դասախոսների և կրթության ոլորտի բոլոր ներկայացուցիչների համար։
Գիտելիքի և դպրության օրը պետական տոն է 1984 թվականից։ Սեպտեմբերի 1-ի՝ որպես ուսումնական տարվա մեկնարկի ավանդույթը, սակայն, շատ ավելի հին է և կապվում է կրթության ու դպրության պատմական ավանդույթների հետ։
Օրվա խորհուրդն առավել ընդգծվում է հատկապես առաջին դասարանցիների համար․ նրանցից շատերի համար սեպտեմբերի 1-ը դպրոցական կյանքի առաջին քայլն է։ Այդ օրը դպրոցներում ավանդաբար անցկացվում են հանդիսավոր միջոցառումներ, հնչում է առաջին զանգը, և մեկնարկում է նոր գիտելիքների ու բացահայտումների ճանապարհը։
Հայ իրականության մեջ կրթության, գրի և գրքի նկատմամբ հարգանքը դարերի պատմություն ունի։ Հայ ժողովրդի համար դպրությունն ու գիտելիքը ոչ միայն կրթության, այլև ազգային ինքնության պահպանման կարևորագույն միջոցներից են եղել։
.gif)
