Սև ծովում նավի վրա անօդաչու թռչող սարքի հարձակման հետևանքով զոհվել է Ադրբեջանի երկու քաղաքացի

Սև ծովում TEDY օտարերկրյա բեռնատար նավի վրա անօդաչու թռչող սարքի հարձակման հետևանքով զոհվել է Ադրբեջանի երկու քաղաքացի։

Ադրբեջանի արտաքին գործերի նախարարության տվյալներով՝ նավը անօդաչու թռչող սարքերով հարձակման է ենթարկվել սեպտեմբերի 9-ին։

Անձնակազմից ևս երկու ադրբեջանցի վիրավորվել են և հոսպիտալացվել Ուկրաինայի Չեռնոմորսկ քաղաքի հիվանդանոցում։