Ուկրաինայի նախագահ Վլադիմիր Զելենսկին հայտարարել է, որ Ռուսաստանի նախագահ Վլադիմիր Պուտինի նպատակը միայն ուկրաինական տարածքների գրավումը չէ, այլ, իր գնահատմամբ, Ուկրաինան Ռուսաստանի կազմում ներառելը։
CBC News-ին տված հարցազրույցում Զելենսկին ասել է, որ Կիևը պատրաստ է ընդունել ներկայիս շփման գծի երկայնքով առանց նախապայմանների հրադադար, որից հետո բանակցությունները կշարունակվեն դիվանագիտական ճանապարհով։
Նա նշել է, որ պատրաստ է նաև հանդիպել Պուտինի հետ, եթե դա կարող է առաջընթաց ապահովել խաղաղության հարցում։ Զելենսկու խոսքով՝ երկարաժամկետ համաձայնության համար անհրաժեշտ են հուսալի անվտանգության երաշխիքներ, որոնք թույլ չեն տա Ռուսաստանին վերսկսել ռազմական գործողությունները։
.gif)
