ArmLur.am-ը գրում է, որ Եվրամիությունը լրացուցիչ 130 մլն եվրո կհատկացնի անօդաչու սարքերի տեխնոլոգիաների զարգացման և ձեռքբերման համար՝ սահմանների վերահսկողությունն ուժեղացնելու և հիբրիդային սպառնալիքներին դիմակայելու նպատակով։
Եվրահանձնաժողովը ֆինանսավորման մասին հայտարարել է Լյուքսեմբուրգում ԵՄ արդարադատության և ներքին գործերի նախարարների հանդիպման ժամանակ։
ԵՄ ներքին գործերի և միգրացիայի հարցերով հանձնակատար Մագնուս Բրունները նշել է, որ անօդաչու սարքերը կարևոր են ինչպես սահմանների, այնպես էլ կարևոր ենթակառուցվածքների պաշտպանության համար։
Փետրվարին Եվրահանձնաժողովը հայտարարել էր անօդաչու և հակաանօդաչու համակարգերի անվտանգության գործողությունների ծրագրի մասին՝ ազգային իշխանություններին սահմանների, այդ թվում՝ ցամաքային և ծովային հատվածների վերահսկողության համար 250 մլն եվրոյի ֆինանսավորում տրամադրելու նպատակով։ Ծրագիրը նախատեսում է ծախսերի մինչև 90 տոկոսի ֆինանսավորում։
Նոր 130 մլն եվրոյի հատկացմամբ ԵՄ-ի ներդրումները սահմանների վերահսկողության նոր տեխնոլոգիաներում կգերազանցեն 500 մլն եվրոն։
Բրյուսելը նաև 170 մլն եվրո է հատկացրել ԵՄ սահմանապահ և առափնյա պահպանության գործակալությանը՝ Frontex-ին, և անդամ երկրների իշխանություններին՝ սահմանների վերահսկողության համար անօդաչու սարքեր և այլ տեխնիկա ձեռք բերելու նպատակով։
Միաժամանակ, ԵՄ-ն քննարկում է Frontex-ի լիազորությունների ընդլայնումը, մասնավորապես՝ ճգնաժամերի կառավարման և առցանց հիբրիդային սպառնալիքների մոնիթորինգի ուղղություններով։ Migrացիոն քաղաքականության և սահմանների կառավարման հարցերը ԵՄ առաջնորդները նախատեսում են քննարկել հոկտեմբերի 15-16-ին կայանալիք Եվրոպական խորհրդի գագաթնաժողովում։
Անի Վարդանյան
.gif)
