Այսօր ՀՀ Վարչապետ Նիկոլ Փաշինյանը կոչ արեց, որ ՏԻՄ ընտրությունների մասնակից՝ ճնշումների ենթարկված բոլոր թեկնածուներն ու ընտրողները դիմեն իրեն։
Խոստանում է ասածը հիմնավորելու դեպքում հրապարակային պատժել ճնշում բանեցրած պաշտոնյաներին։
Ի պատասխան՝ «Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանը հայտարարեց, որ Նիկոլ Փաշինյանը բոլորից լավ գիտի, որ նման բաները միշտ արվում են շատ զգուշությամբ։
Օրինակ՝ մեր ստացած ահազանգի համաձայն` Արմավիրի մարզպետը դաշնակցական Ռազմիկ Այվազյանին Արմավիրի քաղաքապետ չառաջադրվելու «համոզելու» սահմաններում հորդորել է մտածել նոր զորակոչված որդու մասին։
Դեռեւս օրեր առաջ ArmLur.am-ը կառավարության նիստի ավարտից հետո անձամբ մարզպետ Վահրամ Խաչատրյանին հարց էր ուղղել, թե ինչու եք ճնշում ընդիմադիրներին վախեցնելով՝ նրանց որդիներին բանակ ուղարկել:
Ի պատասխան ՝ մարզպետը հայտնել է, թե նման բան չկա: Նշենք որ, այսօր Արմավիրի մարզպետը անդրադառնալով Դանիել Իոաննիսյանին, նշել է, որ նման բան չի արել և դատի կտա նրան։
Քնար Մանուկյան
Մանրամասները տեսանյութում․
.gif)
