Ստեփանավանի համայնքապետի թեկնածու Արսեն Գևորգյանը 2 ամսով կալանավորվել է

Հակակոռուպցիոն դատարանը երկու ամսով կալանավորել է Ստեփանավանում «Ուժեղ Հայաստանի» քաղաքապետի թեկնածու Արսեն Գևորգյանին: Տեղեկությունն «Ազատությանը» փոխանցեց նրա պաշտպան Ռոբերտ Խաչատրյանը՝ հավելելով, որ կալանքի որոշումը կբողոքարկեն Վերաքննիչ դատարանում:

Հակակոռուպցիոն կոմիտեն քաղաքապետի թեկնածուին մեղադրում է խմբի կազմում ընտրակաշառք տալու, նրա հետ առավոտյան ձերբակալված մյուս 13-ին՝ ընտրակաշառք տալու, դրան օժանդակելու, ինչպես նաև՝ ընտրակաշառք ստանալու համար: