ԱՄԷ նախագահ շեյխ Մուհամմեդ բին Զայեդ ալ Նահյանը Flydubai ավիաընկերության ինքնաթիռի անձնակազմին պարգևատրել է Զայեդ II-ի առաջին կարգի շքանշանով՝ ինքնաթիռի առևանգման փորձի ժամանակ ցուցաբերած քաջության համար: Այս մասին հայտարարել է Դուբայի կառավարության մամուլի ծառայությունը X-ում:
«ԱՄԷ նախագահը Զայեդ II-ի առաջին կարգի շքանշան է շնորհել Flydubai-ի անձնակազմի անդամներին, որոնք սեպտեմբերին ինքնաթիռում միջադեպի մասնակից էին, ի նշան ուղևորների անվտանգությունն ապահովելու նրանց քաջարի ջանքերի», – ասվում է հաղորդագրության մեջ։
Մրցանակը հանձնել է Դուբայի թագաժառանգ Համդան բին Մոհամմեդ Ալ Մաքթումը, որը գովաբանել է անձնակազմի գործողությունները և նրանց «պատասխանատվության զգացումը»։
.gif)
