Փաշինյանը մեկնել է Փարիզ․ ովքեր են ընդգրկված կառավարական պատվիրակության կազմում

ArmLur.am-ը ուսումնասիրեց վարչապետի որոշումը և պարզեց, թե ովքեր են ընդգրկված Ֆրանսիա մեկնող կառավարական պատվիրակության կազմում։

Այսպիսով, Նիկոլ Փաշինյանի գլխավորած պատվիրակության կազմում ընդգրկված են՝

• Նիկոլ Փաշինյան՝ ՀՀ վարչապետ,
• Մելանյա Հարությունյան,
• Կարեն Գասպարյան,
• Արմեն Խաչատրյան,
• Սիրուն Հովսեփյան,
• Արման Շահինյան,
• Ալեքսանդր Աբրահամյան,
• Տիգրան Մեհրաբյան,
• Գևորգ Գալստյան,
• Արարատ Միրզոյան՝ ՀՀ արտաքին գործերի նախարար,
• Դավիթ Ղամբարյան։

Պատվիրակության կազմում ընդգրկվել է նաև Ֆրանսիայում ՀՀ արտակարգ և լիազոր դեսպան Արման Խաչատրյանը։

Հատկանշական է, որ որոշման համաձայն՝ վարչապետի աշխատակազմը պետք է կազմակերպի հատուկ ինքնաթիռի չվերթ։ Նոյեմբերի 9-ին նախատեսված է Երևան-Փարիզ, իսկ նոյեմբերի 10-ին՝ Փարիզ-Անթալիա երթուղով թռիչք։

Այսպիսով, Փաշինյանը Փարիզից մեկնելու է ոչ թե Երևան, այլ Անթալիա։

Նշենք, որ Ֆրանսիա գործուղման ընթացքում վարչապետի պարտականությունները կատարելու է փոխվարչապետ Մհեր Գրիգորյանը։

ArmLur.am-ը նաև արձանագրեց, որ պատվիրակության անդամների օրապահիկի և հուշանվերների ձեռքբերման ծախսերը կատարվելու են վարչապետի աշխատակազմի միջոցներից, իսկ հատուկ ինքնաթիռի չվերթի կազմակերպման ծախսերը՝ Տարածքային կառավարման և ենթակառուցվածքների նախարարության համապատասխան ծրագրի միջոցներից։