Պատասխան պարտիայում Հայկն ու Մագնուսը չպարզեցին հաղթողին

Հունգարիայի մայրաքաղաք Բուդապեշտում ընթացող «Total Chess World Championship Tour Pilot 2026» մրցաշարի խմբային փուլում Հայաստանի առաջատար գրոսմայստեր Հայկ Մարտիրոսյանը շարունակում է հաջող ելույթները։

Երրորդ խաղափուլի պատասխան պարտիայում հայ շախմատիստը, խաղալով սև խաղաքարերով, ոչ-ոքի ավարտեց հանդիպումը աշխարհում ամենաբարձր վարկանիշ ունեցող շախմատիստ, աշխարհի 16-րդ չեմպիոն Մագնուս Կարլսենի հետ։

Նորվեգացի գրոսմայստերի հետ դիմակայությունից հետո Հայկ Մարտիրոսյանն իր ակտիվում ունի 10 միավոր և այս պահին միանձնյա գլխավորում է C խմբի մրցաշարային աղյուսակը։ Արդեն հայտնի է, որ մեր շախմատիստի հաջորդ մրցակիցը կլինի ռուսաստանցի Յան Նեպոմնյաշչին, որն այս պահին երկրորդն է C խմբի մրցաշարային աղյուսակում։

Հիշեցնենք, որ այս դիմակայության առաջին պարտիայում Մարտիրոսյանը սպիտակ խաղաքարերով փայլուն հաղթանակ էր տարել աշխարհի նախկին չեմպիոն Մագնուս Կարլսենի նկատմամբ։

Աղբյուրը՝ Armsport.am: