2026 թվականի նոյեմբերի 16-ին կայացած նիստում Կենտրոնական ընտրական հանձնաժողովը (ԿԸՀ) դեկտեմբերի 13-ին կայանալիք տեղական ինքնակառավարման մարմինների ընտրություններին դիտորդական առաքելություն իրականացնելու նպատակով հավատարմագրել է «Երիտասարդական ակումբների դաշնություն» և «Հայ առաջադեմ երիտասարդություն» հասարակական կազմակերպություններին։
Մեկ այլ որոշմամբ ԿԸՀ-ն ընտրատարածքային ընտրական հանձնաժողովների 2026 թվականի առաջին փուլի ամենամյա պարտադիր ատեստավորման անցկացման նպատակով ձևավորել է ատեստավորման հանձնաժողով։




























