«Մարդիկ ավելի շատ սովոր են հասարակական բողոքի դուրս գալ, քան մասնագիտական դաշտում եւ ձեւաչափով հանդիպման գնալ»:

Իսկ ինչի՞ց են բողոքում զոհված զինծառայողների հարազատները:  Համապատասխան պաշտոնյաների սառն ու անտարբեր վերաբերմունքից, ինչը կտրում է նրանց հույսի վերջին թելը` ստիպելով բողոքն այս ու այն  գերատեսչության պատերի տակ արտահայտել: Այնպես որ, զինդատախազը կարող է հավատացած լինել, որ եթե ինքն ու իր նմանները գոնե լսեին այդ մարդկանց, ու փակված-սառած գործերն էլ ընթացք ստանային, ապա դժգոհությունը փողոցներում արտահայտողներ հաստատ չէին լինի: Զինդատախազի ակնարկած հասարակական բողոքն էլ փոքր-ինչ կմեղմվեր: Բայց հայրենի պաշտոնյաները սիրում են հեռվից դասեր տալ, իսկ երբ գալիս է խնդիրը լուծելու պահը, խուսափում են: