ՀԱՐՑ. Գիտեմ, որ ըստ եկեղեցու` շուտով մեծ պահքի շրջանն է, եւ ինձ հետաքրքրում է, թե կոնկրետ երբ է սկսվում պահքը, ինչ խորհուրդ ունի այն: Եթե ես մկրտված չեմ, կարո՞ղ եմ պաս պահել:
ՊԱՏԱՍԽԱՆ. Այս տարի պահքի շրջանը փետրվարի 20-ից ապրիլի 7-ն է: Գլխավոր խորհուրդը մաքրվելն է թե՛ հոգեպես, թե՛ ֆիզիկապես: Պահքի շրջանում սննդից պետք է հանվեն կենդանական ծագման ուտեստները, բայց միայն սննդի մեջ փոփոխություններ կատարելը չի համարվում պահք: Անհրաժեշտ է հոգեւոր մաքրության հասնել` չխաբել, չնախանձել եւ նմանատիպ վատ քայլերից հրաժարվել: Այն մարդիկ, որոնք կնքված չեն, բայց մեծ հավատ ունեն եւ ցանկանում են պահք պահել, միանշանակ կարող են: Կարող են մասնակցել նաեւ պատարագին, բայց պատարագի վերջում տրվող նշխարքը վերցնել չի կարելի:
սարկավագ Ավետիսյան, բուհերի
հոգեւոր պատասխանատու
«ԺՈՂՈՎՈՒՐԴ». Հոգեւորականները հավատացնում են նաեւ, որ մարդու սննդակարգում տեղի ունեցող փոփոխությունը հատուկ նշանակություն ունի ձմեռային միատեսակ սննդից հրաժարվելու առումով, եւ այն մեծապես նպաստում է մարդկանց առողջության վերականգնմանը: Ինչ վերաբերում է վերը թվարկված բարոյական չափանիշներին, ապա դրանք ոչ միայն պահքի շաբաթներին, այլ միշտ պետք է պահպանել:
.gif)
