Ազգային ժողովի արտահերթ նիստում այսօր քննարկվում էր Կառավարության կողմից ներկայացված Կուտակային կենսաթոշակային համակարգի փոփոխության մասին նախագիծը:
Քննարկման ժամանակ ՀՀԿ-ական պատգամավոր Հակոբ Հակոբյանը հանդես եկավ առաջարկով ՝ խնդրելով նախագծում հաշվի առնել նաև հղի կամ ծննդաբերած կանանցից գանձումներ կատարելու հարցը։ «Ստացվել է` հարցն ընդգրկված է այս օրենքով, և հիմա լուծելու համար ես առաջարկում եմ հաշվի առնել, որ պետական ոլորտում պետությունը նրանց համար փոխհատուցի ոչ թե 5000 դրամ, այլ՝ 10 000 դրամ», – առաջարկեց նա:
Նա նաև առաջարկեց փոխհատուցումը կատարել մասնավոր ոլորտում: «Այսինքն՝ երբ որ գործատուին պարտադրում ենք նպատակային սոցվճարի համար, մեկ անգամ էլ բացատրենք մեր գործատուներին դրա կարևորությունը, որ նույն 10 000 դրամը յուրաքանչյուր ամսվա համար մինչև երեխայի 2 տարեկան դառնալը մասնավոր հատվածը նույնպես պարտադիր կերպով փոխհատուցում կատարի»,- ընդգծեց նա։
Նախարարը շեշտեց, որ առաջին մասի հետ կապված գումարն ավելացնելու համար պետք է հաշվարկել պետբյուջեի հնարավորությունները, իսկ երկրորդ մասի հատ կապված՝ նշեց, թե առաջարկի շուրջ քննարկում կանեն երկրորդ ընթերցման ժամանակ:
.gif)
