Հրազդանի քաղաքապետի ընտրությունների ժամանակ ընտրախախտման եւս մեկ ակնառու տեսանյութ է հայտնվել համացանցում: 25/04 ընտրատեղամասում քաղաքացին քվեարկում է բաց, այնուհետեւ մոտենալով քվեախցի մոտ կանգնած ծերունուն` քվեարկում նաեւ նրա փոխարեն: «Ժողովուրդ»-ի տեղեկություններով` ՀՀ ԸՕ դրույթն այդպես բացահայտ խախտող անձնավորությունը Կոտայքի մարզպետարանի տեղեկատվության եւ հասարակայնության հետ կապերի բաժնի պետ Կարեն Մարգարյանն է: Վերջինս ուշագրավ կենսագրություն ունի. նա նաեւ երիտասարդական խորհրդարանի անդամ է, այդ խորհրդարանի տարածքային կառավարման հանձնաժողովի ղեկավարը: Եւ որոշել է ընտրակեղծիքներ կատարելու` մարզպետ Կովալենկո Շահգալդյանի տված «դասերը սովորել» հենց ընտրատեղամասում:
.gif)
