Հրդեհ` Կարչևան գյուղում

Հունիսի 28-ին, ժամը 14.12-ին տեղեկություն է ստացվել, որ Սյունիքի մարզի Կարչևան գյուղի Արդյունաբերության փողոցի թիվ 1/1 հասցեի մոտակայքում այրվում են դիզ.վառելիքի տարրաներ:

Դեպքի վայր է մեկնել մեկ մարտական հաշվարկ:

Պարզվել է, որ տարրայում առաջած գազերից տեղի է ունեցել հրդեհի բռնկում, ինչից 2-րդ կարգի այրվածքներ են ստացել Իրանի Իսլամական Հանրապետության քաղաքացիներ Ամին Մուխթարին (ծնվ.1985թ.) և Այդն Խալիլը (ծնվ.1988թ.), ովքեր հոսպիտալացվել են Մեղրու բժշկական կենտրոն, որտեղ տուժածների առողջական վիճակը գնահատվել է բավարար:

Հրդեհն ինքնամարվել է: Հրշեջ-փրկարարները իրականացրել են հովվացման աշխատանքներ: