Ապրիլ 30, 2013

Տեւական դադարից հետո այսօր հանրահավաք է անցկացնելու Հայ ազգային կոնգրեսը. այն տեղի կունենա Ազատության հրապարակում ժամը 18-ին: Հանրահավաքին նախատեսված է նաեւ ՀԱԿ կուսակցության առաջնորդ, ՀՀ առաջին նախագահ Լեւոն Տեր-Պետրոսյանի ելույթը: Նշենք, որ սա 2013թ. ՀԱԿ առաջին հանրահավաքն է: Ի դեպ, Ազատության հրապարակում այս եւ հետընտրական օրերին հանրահավաք անցկացնելը դժվար գործ է. բանն այն է, որ …

Վեց ամիս ԱԺ նախագահ աշխատած Սամվել Նիկոյանը հարցազրույց է տվել «parliamentmonitoring.am» կայքին ու խոսքեր չի խնայել վարչապետ Տիգրան Սարգսյանին գովերգելու համար: «Մենք ունենք կիրթ, գրագետ, ներկայանալի վարչապետ»,-հայտարարել է նա՝ հավելելով, որ բոլոր այն քաղաքական ուժերը, որոնք վախենում են ուղիղ Սերժ Սարգսյանին քննադատելուց, սլաքն ուղղում են վարչապետի դեմ: Այլ կերպ ասած՝ Նիկոյանը նաեւ խոստովանում է, որ …

ԱԺ փոխնախագահ, Երեւանի ավագանու ընտրություններում ՀՀԿ նախընտրական շտաբի ղեկավար Էդուարդ Շարմազանովը երեկ չէր մասնակցում ԱԺ քառօրյային, եւ սա այն դեպքում, երբ երեկ նա Երեւանում էր: Ամենայն հավանականությամբ, Շարմազանովը խիստ զբաղված է նախընտրական գործընթացներով, մանավանդ որ սա քարոզարշավի վերջին շաբաթն է: Ու, փաստորեն, պետական պաշտոնյան՝ ՀՀ Սահմանադրությամբ երկրի երկրորդ դեմքի տեղակալը, աշխատանքային ժամին զբաղված էր կուսակցական …

Ապրիլի 27-ին՝ «Հետք»-ի լրագրողի ու ոստիկանի միջեւ Հյուսիսային պողոտայում տեղի ունեցած միջադեպից անմիջապես հետո, ՀՀ ոստիկանապետ Վլադիմիր Գասպարյանը բավական օպերատիվ կերպով աշխատանքից ազատեց Վարդան Ղուկասյանին (Դոգին): Հիշեցնենք, որ այդ օրը նշված տարածքում քաղաքացիական հագուստով ինչ-որ անձ հրել եւ վիրավորել էր «Հետք»-ի լրագրող Անի Հովհաննիսյանին, որը փորձել էր պարզել, թե ինչու են ոստիկանները հորդորում այդտեղ կիթառ …

Երեւանի ավագանու ընտրություններում «Օրինաց երկիր» կուսակցության ցուցակի 2-րդ տեղը զբաղեցնող Հովհաննես Շահինյանը «Ժողովուրդ»-ի հետ զրույցում վստահեցրեց, որ իրեն որեւէ  պաշտոն չեն խոստացել` հավելելով, որ նման առաջարկ անողներին ինքը լուրջ չէր համարի: -Պարո՛ն Շահինյան, մայիսի 5-ին կայանալիք Երեւանի ավագանու ընտրությունների քարոզարշավում Դուք բավական ակտիվ եք, օգտագործելով Ձեր թաղապետության տարիների  փորձը` մասնագիտական առաջարկներ եք ներկայացնում, սակայն, միեւնույն …

Ավելի քան մեկ շաբաթ է, ինչ Արմավիրի մարզի սահմանամերձ Բագարան եւ Երվանդաշատ համայնքները չունեն համապատասխան տրանսպորտի միջոց, որով կկարողանան գնալ Արմավիր քաղաք եւ վերադառնալ: Այս մասին «Ժողովուրդ»-ը տեղեկացավ նշված համայնքների բնակիչներից: Արմավիրի մարզպետ Աշոտ Ղահրամանյանից հետաքրքրվեցինք, թե այս ուղղությամբ ինչ քայլեր է ձեռնարկում: «Եթե ձեզ թվում է, որ դուք շատ եք շահագրգռված, ապա չարաչար սխալվում …

«Ժողովուրդ»-ի լավատեղյակ աղբյուրների փոխանցմամբ՝ չորս տարվա ազատազրկման դատապարտված, ՀՀ ոստիկանության քրեական հետախուզության գլխավոր վարչության նախկին պետ Հովհաննես Թամամյանը, որը ներման դիմումներ էր գրել Սերժ Սարգսյանին, մերժվել է: Փորձեցինք տեղեկությունը ճշտել Թամամյանի շահերի պաշտպան Վաղինակ Գեւորգյանից, սակայն վերջինս նշեց, թե առաջին անգամ է լսում այդ մասին: Հարցին, թե հնարավոր է, որ պարզապես տեղյակ չէ, որ դիմումը …

Երեւանի քաղաքապետարանում ՀՀ վերահսկիչ պալատի իրականացրած ստուգումների արդյունքում չարաշահումներ են հայտնաբերվել: Այս մասին մեզ հայտնի դարձավ  ամիսներ առաջ ՎՊ-ին ուղարկված գրավոր հարցման պատասխանից: «Ժողովուրդ»-ին տրամադրված փաստաթղթում նշված է, որ ստուգվել են քաղաքապետարանի ուժերով իրականացված 22 օբյեկտների շինարարության եւ հիմնանորոգման աշխատանքները, եւ պարզվել է, որ 510 մլն 340 հազար դրամից 8,2 մլն-ն հավելագրվել է, իսկ 24,8 …

Երեւանի նախկին ոստիկանապետ Ներսես Նազարյանի պաշտոնանկությանը հետեւած տարատեսակ խոսակցություններն էլ ավելի ակտիվացան ՀՀ ոստիկանության տարածած պաշտոնական պարզաբանումից հետո, որում  բավականին թափանցիկ կերպով ակնարկված էր, որ Նազարյանը սերտաճել է բիզնեսի հետ եւ իրականացրել  ապօրինություններ, որոնք, ըստ էության, կարող են դիտարկվել որպես քրեորեն պատժելի արարքներ: Հետագա օրերին տեղեկություններ տարածվեցին այն մասին, որ Նազարյանը մի խումբ այլ բարձրաստիճան …

Թեեւ ՀՀ Սահմանադրության 14-րդ հոդվածում հստակ մատնանշված է, որ «մարդու արժանապատվությունը՝ որպես նրա իրավունքների ու ազատությունների անքակտելի հիմք, հարգվում եւ պաշտպանվում է պետության կողմից», այնուամենայնիվ, երեկ «Ժողովուրդ» օրաթերթը պարտվեց դատարանում: Դատավոր Նաիրա Ավետիսյանը վճռեց մերժել «Ժողովուրդ»-ի ներկայացրած հայցն ընդդեմ գործարար Խաչիկ Խաչատրյանի, որով պահանջում էինք Խաչիկից ներողություն խնդրել մեր լրագրողին վիրավորելու՝ «պրաստիտուտկա» անվանելու համար: Ասել …