Հուլիս 17, 2013

Եվրոպական հանձնաժողովը գումար  է փոխանցելու կարկուտից տուժածներին: Հայաստանում Եվրոպական միության պատվիրակության մամուլի ծառայությունից հայտնում են, որ Եվրոպական հանձնաժողովի տրամադրած աջակցությունը կազմում է 157,724 եվրո, որի շրջանակներում շուրջ 4000 տուժածներ կստանան սնունդ եւ հիգիենայի հիմնական միջոցներ: Օգնությունը կտրամադրվի Հայկական Կարմիր խաչի ընկերության միջոցով՝ Կարմիր խաչի եւ Կարմիր մահիկի ընկերությունների Միջազգային ֆեդերացիայի մարդասիրական օգնության արտակարգ հիմնադրամի կողմից: …

Հուլիսի 17-ին, ժամը 17.48-ին ահազանգ է ստացվել, որ Վայոց ձորի մարզի Եղեգնաձոր քաղաքի Խաչատրյան փողոցի թիվ 4 տանը նկատվել է օձ, որին որսալու համար անհրաժեշտ է օգնություն: Դեպքի վայր է մեկնել մեկ մարտական հաշվարկ: Օձը հայտնաբերվել է և տեղափոխվել անվտանգ տարածք: Հուլիսի 17-ին, ժամը 12.26-ին ահազանգ է ստացվել, որ Գեղարքունիքի մարզի Ակունք գյուղի Շուշիի փողոցի …

Մոսկվայի Մեծ թատրոնի ջութակահար 65- ամյա Վիկտոր Սեդովը մահացել է վնասվածքներից, որոնք ստացել է` ընկնելով նվագախմբի համար նախատեսված փոսը: Միջադեպի մանրամասները պարզելու  նպատակով թատրոնում հատուկ հանձնաժողով է ստեղծվել:

Հուլիսի 17-ին “ՆԱՍԴԱՔ ՕԷՄԷՔՍ ԱՐՄԵՆԻԱ” ԲԲԸ-ում ԱՄՆ դոլարով գործարք չի կնքվել: Այս մասին տեղեկացնում են “ՆԱՍԴԱՔ ՕԷՄԷՔՍ ԱՐՄԵՆԻԱ”-ից:   Նախօրեին կայացել էր 2 մլն 450 հազար ԱՄՆ դոլարի առք և վաճառք` 410 դրամ մեկ ԱՄՆ դոլարի դիմաց միջին կշռված փոխարժեքով: Փակման գինը ևս կազմել էր 410 դրամ: 

Ըստ “Երևան Ջուր” ՓԲԸ-ի 1-85 հեռախոսային կենտրոնում ստացված տեղեկությունների՝ մայրաքաղաքի մի շարք թաղամասերում, այդ թվում՝ Արաբկիրում, Նոր Նորքում և Մալաթիա-Սեբաստիայում, “7star” անվանմամբ սահմանափակ պատասխանատվությամբ ընկերությունը բնակիչներին առաջարկում է մատուցել ջրի զտիչի մաքրման և սպասարկման ծառայություն, որի դիմաց գանձում է 200-ական դրամ: Այս կապակցությամբ “Երևան Ջուր” ՓԲԸ-ն հայտնում է իր հաճախորդներին և սպառողներին, որ ընկերությունը որևէ …

Ֆուտբոլիստ Ժերար Պիկեի կին՝ Կոլումբիացի երգչուհի Շակիրայի արտաքինը վրդովեցրել է իրանցի պատգամավորներին: Շակիրա մարզադաշտ է ներկայացել թեթեւ հագուստով, իսկ այդ խաղը հեռարձակվել է Իրանում: Եվ դրա  պատճառով էլ ատգամավորները պահանջել են Իրանում արգելել ֆուտբոլային խաղերի հեռարձակումները:  

Հունգարիայի իրավապահների կողմից ձերբակալվել է “օրենքով գող”`  Մերաբ Ջանգվելաձեն (Մերաբ Սուխումսկի): Իտալիայի տարածքում սպանություն կատարելու կասկածանքով: Ջանգվելաձեն ու մի խումբ վրացի հանցագործներ կասկածվում են Իտալիայի, Ֆրանսիայի,  Ավստրիայի, Իսպանիայի, Գերմանիայի, Չեխիայի ու Լիտվայի տարածքներում հանցագործություններ կատարելու մեջ:  Նշվում է նաեւ,  որ Մերաբ Ջանգվելաձեն մասնակից է Դեդ Հասանի սպանությանը:

Հուլիսի 16-ին, ժամը 16.50-ին,  ոստիկանության քրեական հետախուզության գլխավոր  վարչության ծառայողները  Երևանի Գրիգոր Լուսավորչի փողոցի թիվ 13/Ա շենքի մոտից   բերման են ենթարկել ՌԴ քաղաքացի, 1976 թ. ծնված  Ալեքսեյ Պ.-ին, որը 2008 թ. դեկտեմբերի 24-ից ՌԴ Մոսկվա քաղաքի իրավապահների կողմից հետախուզվում էր գողության  մեղադրանքով:

Հուլիսի 17-ին, ժամը 13.58-ին տեղեկատվություն է ստացվել, որ Երևանի Բաշինջաղյան փողոցի թիվ 196 և 198 շենքերից առկա է երեսպատման քարերի ընկնելու վտանգ. անհրաժեշտ է օգնություն: Դեպքի վայր է մեկնել մեկ մարտական հաշվարկ: Կտրվի լրացուցիչ տեղեկատվություն:

Հուլիսի 17-ին, ժամը 10.02-ին ահազանգ է ստացվել, որ Երևանի Շարուրի փողոցի թիվ 22/2 շենքի 209-րդ բնակարանում պատշգամբից ծուխ է նկատվում: Դեպքի վայր է մեկնել մեկ մարտական հաշվարկ: Ա. Պապիկյանին պատկանող բնակարանում այրվել են տնտեսական իրեր (2խմ):