«ՀՀԿ-ն իր հեղինակությունը բարձրացնելու կարիք չունի, որովհետեւ այն շատ բարձր է»:

Թեեւ կուսակցության մարզային պատասխանատուներից մեկը հայտարարում է, որ եղած հեղինակությունն էլ բավարար է, բայց ամեն գնով (վճարելով հնարավորը) Հանրապետականը ձգտում է բարձրացնել այն: Եւ եթե այսպես շարունակվի, չի բացառվում, որ Հանրապետականի հեղինակությունը վտանգավորության աստիճան բարձրանա` ընտրություններից առաջ տհաճ իրավիճակ ստեղծելով իշխող կուսակցության համար: Մարդիկ կսկսեն հերթ կանգնել ընտրատեղամասերի դիմաց` Հանրապետական կուսակցությանն առանց ընտրակաշառքի ձայն տալու համար: Պատկերացնո՞ւմ եք, թե ինչ հզոր երեւակայություն ունի Լոռու մարզպետը: