Վրաստանը հույս ունի, որ Հայաստանի և Ադրբեջանի միջև վերջին օրերին սրված հակամարտությունը անհապաղ կկարգավորվի: Այս մասի հայտարարել է Վրաստանի արտգործնախարար Մայա Փանջիկիձեն: Նրա խոսքով՝ «քաղաքակիրթ աշխարհին պետք չէ ևս մեկ ապասառեցված հակամարտություն»:
«Մենք անհանգստությամբ հետևում ենք Հայաստանի և Ադրբեջանի միջև տեղի ունեցող իրադարձություններին: Ես վստահ եմ, որ մեր տարածաշրջանին և ողջ աշխարհին պետք չէ ևս մեկ ապասառեցված հակամարտություն, լարվածության մեկ այլ օջախ, և վստահ եմ, որ երկու երկրների առաջնորդները ընդհանուր լեզու կգտնեն և կկարողանան խնդիրը բերել խաղաղ կարգավորման ճանապարհ», – ընդգծել է Վրաստանի ԱԳ նախարարը:
.gif)
