Դեղեր ներմուծող ընկերությանն արտոնություն տրվեց

ՀՀ կառավարությունն այսօր «Լամբրոն-Ֆարմիմպէքս» ՍՊԸ-ին արտոնություն տվեց: Կառավարության որոշման մեջ նշված է.

««Լիցենզավորման մասին» Հայաստանի Հանրապետության օրենքի 8-րդ, 26-րդ հոդվածներին և 43-րդ հոդվածի 2-րդ մասին և Հայաստանի Հանրապետության կառավարության 2011 թվականի մարտի 18-ի N 281-Ն որոշմանը համապատասխան` Հայաստանի Հանրապետության կառավարությունը որոշում է.

«Լամբրոն-Ֆարմիմպէքս» սահմանափակ պատասխանատվությամբ ընկերությանը  տալ թմրամիջոցների և հոգեմետ նյութերի և Հայաստանի Հանրապետության կառավարության կողմից սահմանած` դրանց պրեկուրսորների արտահանման, ներմուծման և մեծածախ առևտրի գործունեության իրականացման լիցենզիա` երեք տարի գործողության ժամկետով»:

Նշենք, որ այդ ընկերությունը զբաղվում է դեղերի ներմուծմամբ: