Երեկ, երբ ՀՀ գյուղատնտեսության նախարար Սերգո Կարապետյանը շտապում էր մտնել կառավարության շենք, բակում հավաքված գյուղացիներից մեկը նկատեց նրան եւ հարցրեց. «Պարո՛ն նախարար, ներկրվող վարունգի ու լոլիկի համար ենք եկել, ի՞նչ անենք: Մեր արտադրածը չենք կարողանում ծախել, քանի որ դրսից վարունգ ու լոլիկ են ներկրում»: «Օրինաց երկիր» կառուցելու պատրաստակամություն ստանձնած նախարարն էլ տարավ, բերեց եւ ուսերը թոթվելով` խիստ պաշտոնապես հայտարարեց. «Ի՞նչ անեմ, թող չներկրեն»: Ու սա ասում է այն նախարարը, ով մտադրված է աղոթքներով կտրուկ բարձրացնել գյուղացիների եկամուտները` միաժամանակ խոստանալով դեմքով շրջվել դեպի գյուղացին: Բայց պարզվում է, որ նախընտրական այս օրերին նախարարը գյուղացիների հավեսը չունի: Հիշեցնենք, որ օրերս էլ ՕԵԿ նախագահ Արթուր Բաղդասարյանը հայտարարեց, թե նախարարները պարտավոր են կուսակցության քարոզչությամբ զբաղվել: Հավանաբար սա է պատճառը, որ Սերգո Կարապետյանը տարօրինակ պահվածք է դրսեւորել եւ ուսերը թոթվելով` հեռացել է:
.gif)
