Ինչ տեսք կունենա Հյուսիսային պողոտան շինարարության ավարտից հետո (ֆոտո)

Հյուսիսային պողոտայում իրականացվող շինարարական աշխատանքները նախատեսվում է ավարտել հոկտեմբերի սկզբին: Այս մասին լրագրողները տեղեկացան քաղաքապետ Տարոն Մարգարյանի՝ օգոստոսի 26-ին Կենտրոն վարչական շրջանում կատարած շրջայցի ժամանակ:

Նորոգման աշխատանքներն ընթանում են պողոտայի 12 200 քմ ընդհանուր մակերեսով տարածքում: Նորոգման աշխատանքների ավարտից հետո նախատեսված է 60 քմ ընդհանուր մակերեսով ծառամանների փոխարեն տեղադրել 270 քմ ընդհանուր մակերեսով 67 ծառաման:

Ժամանակակից լուծումներով թարմացվելու և նորացվելու է նաև արտաքին լուսավորության համակարգը: Պողոտայի երկու ծայրերում կգործեն նաև զույգ շարժասանդուղքներ: Շինարարական ժամկետների երկարաձգումը բացատրվում է հիմնականում եղանակային վատ պայմաններով: