Գյումրիում մահացու ելքով վրաերթի է ենթարկվել քաղաքապետի դստեր փեսացուի սպանությամբ զբաղվող քննիչը

Գյումրիում երեկ` ապրիլի 12-ին, ավտովթարի է ենթարկվել եւ հիվանդանոցի ճանապարհին մահացել Վարդան Ղուկասյանի դստեր փեսացուի սպանության գործը քննող քնչական խմբի անդամ , ոստիկանության Շիրակի մարզային քննչական բաժնի ՀԿԳ ավագ քննիչ, ոստիկանության փոխգնդապետ, 1954 թ. ծնված Վահրամ Բեյբությանը:Ինչպես armlur.am-ին հայտնեցին Ոստիկանության մամուլի ծառայությունից, 00:50 սահմաններում 1989 թ. ծնված Ռաֆիկ Մուրադյանը ՎԱԶ-21013  մակնիշի ավտոմեքենայով Գյումրի քաղաքի Գարեգին Նժդեհի փողոցի թիվ 7 շենքի` Գյումրիի բաժնի  շենքի դիմաց, վրաերթի է ենթարկել քննիչ Վ. Բեյբությանին եւ, թողնելով անօգնական, դիմել փախուստի:

Ճանապարհային ոստիկանության աշխատակցի կողմից ՎԱԶ-21013  մակնիշի ավտոմեքենան հետապնդվել և կանգնեցվել է Կոշտոյան փողոցում: Վարորդը բերման է ենթարկվել Շիրակի մարզային վարչություն:Ռաֆիկ  Մուրադյանը ձերբակալված է: Կատարվում է նախաքննություն: