Սեպտեմբերի 11-ին Կենտրոն և Նորք-Մարաշ վարչական շրջանների ընդհանուր իրավասության դատարանում` դատավոր Արշակ Վարդանյանի նախագահությամբ, տեղի կունենա դատական կարգադրիչների գործով դատական քննությունը:
Նշենք, որ նախորդ դատական նիստը հետաձգվել է մի շարք պաշտպանների բացակայության պատճառով:
Հիշեցնենք, որ «Դատական դեպարտամենտ» պետական կառավարչական հիմնարկի նախկին ղեկավար Միսակ Մարտիրոսյանին և տասներկու այլ կարգադրիչների մեղադրանք է առաջադրվել խոշոր չափերի հափշտակություններ կատարելու համար:
Armlur.am-ին Ոստիկանության լրատվական ծառայությունից հայտնում են, որ հունիսին սույն գործից հատված է առանձնացվել «Դատական դեպարտամենտ» պետական կառավարչական հիմնարկի հաշվապահների մասով:
4 հաշվապահների մեղադրանք է առաջադրվել ՀՀ ՔՕ 308 (պաշտոնական լիազորությունների չարաշահում) և 314 (պաշտոնական փաստաթղթերում կեղծ տեղեկություններ տեղադրելը) հոդվածների հատկանիշներով:
Վերոնշյալ գործից առանձնացված այս հատվածի նախաքննությունը շարունակվում է:
.gif)
